Bıyl Aqtóbe oblysynda 650 myń sharshy metr turǵyn úı paıdalanýǵa beriledi. Sonymen qatar, «Nurly jer» baǵdarlamasy aıasynda áleýmettik álsiz topqa jaldamaly páterler úlestiriledi, dep habarlaıdy QazAqparat.
«Bıyl «Nur Aqtóbe» yqsham aýdanynda Turǵyn úı qurylys jınaq banki men «Báıterek Development» AQ-y alty kópqabatty úı salady. Sonymen qatar, aýdandarda úı alý kezeginde turǵan baspanaǵa muqtaj azamattar úshin 1-2 jáne 8 páterli úı turǵyzamyz. Qazirgi ýaqytta «Jumyspen qamtýdyń 2020 jol kartasy» baǵdarlamasy aıasynda bes qabatty jataqhana qurylysy júrip jatyr. Esep boıynsha bıyl 5 myń otbasy baspanaly bolady», - deıdi oblystyq qurylys jáne sáýlet basqarmasynyń basshysy Serik Tólenbergenov.
Jergilikti bılik «Nurly jer» baǵdarlamasy boıynsha áleýmettik álsiz topqa satyp alý quqyǵynsyz jaldamaly páter salýdy josparlap otyr. Jer men turǵyn úı kezeginde turǵan azamattar Turǵyn úı qurylys jınaq banki arqyly nesıe alyp, baspanaly bola alady. «Jer alý kezeginde turǵan azamattar jınaq banki arqyly nesıe alyp, birden úıin salyp alady. Al jergilikti bılik ınjenerlik jelilerdi tartyp, gaz, sý, jaryqpen qamtamasyz etedi. Bıyl bul maqsatqa 7,1 mıllııard teńge qarastyrylyp otyr», - dedi S.Tólenbergenov.