Qazaqstandyq boksshy Batyr Júkembaevtyń meksıkalyq Davıd Ranhelmen ótken jekpe-jeginiń vıdeosy jarııalandy.
Aıqas Kanadanyń Kvebek qalasynda ótti. Reglament boıynsha segiz raýndqa sozylýy tıis bolatyn. Alaıda, Júkembaev nebári 2,5 mınýtta qarsylasyn nokaýtpen jeńdi. Qazaqstandyq bylǵary qolǵap sheberi kásipqoı rıngte osymen jetinshi kezdesýin ótkizip, bárinde jeńiske jetti.
Aıta keteıik, bul urys Stıven Batler (18-0-1, 15 KO) men Brendon Kýk (17-0, 10 KO) arasyndaǵy boks keshiniń anderkartynda ótken bolatyn. Dál osy kúni taǵy bir otandasymyz Abylaıhan Qusaıynov meksıkalyq Oskar Mehııamen kezdesip, altynshy raýndta tehnıkalyq nokaýtpen jeńiske jetken.