Búgin Úkimet otyrysynda Qazaqstannyń Qorǵanys jáne aeroǵarysh ónerkásibi mınıstri Beıbit Atamqulov Qazaqstannyń «Kıberqalqan» júıesi qalaı jasaqtalyp jatqandyǵyn aıtyp berdi.
«Qazaqstannyń Kıberqalqany júıesi» elimizdiń aqparattyq jáne kıberqaýipsizdigi salasyndaǵy memlekettik organdarmen júzege asyrylatyn uıymdastyrýshylyq-quqyqtyq jáne uıymdastyrýshylyq-tehnıkalyq sharalardyń kesheninen, apparattyq-baǵdarlamalyq keshender men jobalarynan turady. Zańnamalyq bazanyń basym bóligi daıyndalyp bitti», - dedi mınıstr.
«Elektrondy shekara dep atalatyn kommýnıkasııany basqarýdyń ortalyqtandyrylǵan júıesi bar, shıfrdi qoldanatyn zańsyz aqparatqa shekteý qoıatyn qaýipsizdik sertıfıkaty jasaldy», - dedi ol.
Aıta keteıik, bir apta buryn, Elbasy el qaýipsizdigin aqparattyq deńgeıde qamtamasyz etetin «Kıberqalqan» júıesin qurýdy tapsyrǵan bolatyn.