Bıylǵy jyly aýyl sharýashylyǵy salasynda júrgizeletin birqatar sharalar ósimdi 2,5 paıyzǵa jetkizýdi josparlaýda. Bul týraly búgin Úkimet otyrysynda Aýyl sharýashylyǵy mınıstri Asqar Myrzahmetov málimdedi.
«О́simdik sharýashylyǵy boıynsha maıly, jemdik jáne basqa da suranysqa ıe daqyldardyń egis alqabyn 540 myń ga (8,2-den 8,7 mln. ga) arttyrý josparlanýda.Sýmen qamtamasyz etilgen alqaptar aýmaǵyn arttyrý jónindegi ekinshi mindettiń aıasynda Islam Damý Bankiniń atsalysýymen ırrıgasııa men drenajdardy qaıta qalpyna keltirý jobasy qolǵa alynýda. Munyń nátıjesinde 15 myń ga turaqty sýarý aýmaǵy paıda bolady.Aıtalyq, 7 apatty jaǵdaıdaǵy sý qoımasy men gıdrotehnıkalyq qurylystyń rekonstrýksııasy bitedi. Bul 12 myń ga sýarmaly jerlerdiń sýmen qamtylýy jaǵdaıyn jaqsartady», - dedi A.Myrzahmetov.
Ol aıtyp ótkendeı, úshinshi mindet kooperasııany damytý bolyp sanalady.
«Aǵymdaǵy jyly 176 kooperatıv qurý josparlanýda. Olar óz qyzmeti aıasyna 16 myńǵa jýyq ózin-ózi jumyspen qamtyǵandar men jumyssyzdardy tartady dep kútilýde.Sondaı-aq, bul qaıta óńdeý kásiporyndarynyń júktelimin arttyrady. Atap aıtqanda, sút – 170 myń tonna (57-den 65%), et – 12myń tonna (54-ten 58%), ósimdik maıy – 20 myń tonna (30-dan 31%), qant qyzylshasynyń qanty – 16 myń tonna (37-den 50%).Atalǵan sharalar ımportqa táýeldiliktiń tómendeýine jol ashady», - dedi A.Myrzahmetov.