Qazaqstanda óziniń quqyq buzýshylyǵyn moıyndaǵan kásipkerlerge aıyppul boıynsha 50 paıyzdyq jeńildikter usynylýda. Bul týraly búgin «Atameken» UKP basqarýshy dırektory Aıjan Bıjanova málim etti, dep habarlaıdy QazAqparat.
Osyndaı normalar zańdy tulǵalarǵa qatysty Ákimshilik quqyq buzýshylyq kodeksine ózgertýler engizý týraly zań jobasynda qarastyrylyp otyr.
«Alǵash ret qysqartylǵan ister ınstıtýty engizildi. Bul turǵyda kásipkerlik sýbektisi kinásin moıyndaǵan jaǵdaıda, zańnamada bekitilgen talaptarǵa sáıkes, belgili bir merzim ishinde oǵan qatysty aıyppul 50 paıyzǵa qysqarady. Aıyppul tólengennen keıin ákimshilik is toqtatylady», - dedi A. Bıjanova.
Osy oraıda kásipker uzaqqa sozylǵan talqylaýlardan, tıisti qujattardy jınaý barysyndaǵy qaǵazbastylyqtan qutylady dep kútilýde.