Sheteldik ınvestorlar otandyq ǵylymdy belsendi qoldap jatyr. Elge kirgen jalpy ınvestısııanyń úshten biri ǵylymı-tehnıkalyq sektorǵa tıesili. 2016 jyldyń alǵashqy úsh maýsymynda bul kórsetkish 4,74 mlrd dollardy qurap, aldyńǵy jyldyń osy ýaqytymen salystyrǵanda 25 paıyzǵa ulǵaıǵan, dep jazady Energyprom.kz.
Sonymen qatar, ınvestısııany kóp tartatyn salalardyń alǵashqy úshtiginde taý-ken men óńdeýshi ónerkásip bar. Alǵashqy oryndaǵy úsh sala respýblıkaǵa tartylǵan jalpy ınvestısııanyń 77 paıyzyn quraıdy.
2016 jyldyń qańtar-qyrkúıek aralyǵynda sheteldikterden tartylǵan tikeleı ınvestısııa 14,52 mlrd dollardy qurap, onyń aldyndaǵy jyldyń osy ýaqytymen salystyrǵanda 27,3 paıyz ósim kórsetken.
Alǵashqy úshtiktegi salalardyń ishinde ǵylymı-tehnıkalyq qyzmetke tartylǵan ınvestısııa jalpy kólemniń 32,6 paıyzyn qurasa, taý-ken isi 26,1 paıyzdy, al qaıta óńdeý salasy 18,2 paıyzdy quraıdy.
Qazaqstandaǵy jańǵyrtýdyń úshinshi tolyqyny eldegi taýar óndirisi men saýdasy jáne qyzmet kórsetý salasyna qarqyn beredi dep kútilýde. Osy oraıda "Astana halyqaralyq qarjy ortalyǵynyń" ashylýy elde transulttyq kompanııalardyń jumys istep, qarjy naryǵyn damytpaq.
2016 jyldyń alǵashqy úsh maýsymyndaǵy kórsetkish shet eldik ınvestısııa kórsetkishiniń kóbeıip kele jatqanyn kórsetedi. Onyń aldynda, 2013 jyly, shet elden tartylatyn qarjy kúrt azaıyp ketken edi.
Dúnıejúzilik banktiń Doing Business 2017 tiziminde Qazaqstan bir jylda 22 oryn alǵa jyljyp, "Qarjy ınvestorlaryn qorǵaý" bóliminde úshinshi orynda tur.
Al 2017 jyldyń 1 qyrkúıegine deıin jańa ınvestısııalyq stretegııa daıyndalmaq.