Keshe Premer-Mınıstr Baqytjan Saǵyntaev Nazarbaev Ýnıversıtetke baryp, Prezıdent Joldaýyn iske asyrý men Úkimettiń keńeıtilgen otyrysy barysynda bergen tapsyrmalaryn oryndaý máseleleri jóninde keńes ótkizdi, dep habarlady Premer-Mınıstrdiń baspasóz qyzmeti.
Nazarbaev Ýnıversıtet aýqymdy ǵylymı-bilim berý ekojúıesi, munda oqytýdan bólek, túrli ǵylymı-ınnovasııalyq zertteýler júrgiziledi.
Prezıdent óz Joldaýynda Qazaqstanda sıfrly ındýstrııany damytý ekonomıkanyń ózge salalarynyń da damýyna túrtki bolatynyn aıtyp ótti. Osy oraıda ol negizinde jańa, perspektıvaly tehnologııalar men ınnovasııalar bolatyn ekonomıka ósiminiń jańa úlgisin qurý týraly mindet qoıdy.
Osy maqsatqa qol jetkizý úshin Prezıdent barlyq múmkindikter men resýrstardy shoǵyrlandyrý qajettigin aıtty. Premer-Mınıstr Baqytjan Saǵyntaev oqý ornyna Nazarbaev Ýnıversıtettiń Memleket basshysynyń alǵa qoıǵan mindetterin iske asyrýdaǵy múmkindikterimen tanysý maqsatynda bardy.
Baqytjan Saǵyntaev ýnıversıtettiń oqý zerthanalarynda bolyp, stýdentterdiń ǵylymı jobalar boıynsha zertteýler júrgizetin oryndarynyń jaǵdaıymen jáne ondaǵy jabdyqtarmen tanysyp shyqty. NÝ-dyń Tehnoparki men oqý ornynyń aınalasynda belsendi túrde damyp jatqan «Astana Business Campus» ınnovasııalyq klasterin aralaý barysynda ol osynda júzege asyrylyp jatqan zertteý jobalarynyń nátıjelerimen tanysty. Sonymen qatar, Premer-Mınıstr bıznes-ınkýbatordyń, bıotehnologııalyq zerthananyń jáne «Heart Stitch» fızıka jáne akkýmýlıatorlar ınstıtýty zerthanalarynyń jumysymen tanysty.
Keıin B.Saǵyntaev Nazarbaev Ýnıversıtettiń professor-oqytýshylar quramymen kezdesý ótkizdi. Kezdesý barysynda Prezıdenttiń alǵa qoıǵan mindetterin atqarýdaǵy oqý ǵımaratynyń róli týraly aıtyldy.
«Memleket basshysy óz Joldaýynda Úkimettiń aldyna jańa mindetter qoıdy – ekonomıkalyq ósimniń jańa úlgisin qurý qajet. О́zderińiz bilesizder, Qazaqstan qory baı sanalatyn shıkizattyń quny sońǵy eki-úsh jylda óte tómengi deńgeıde jáne ol bizge jetkilikti ekonomıka ósimin bermeıdi.
Degenmen, elimizdiń mindeti 2050 jylǵa qaraı álemniń damyǵan 30 eliniń qataryna kirý jáne osy TOP-qa kirý úshin bizde jyl saıyn 5% ósim bolýy shart. Osyǵan oraı biz jańa ındýstrııany damytyp, el ekonomıkasynyń básekege qabilettiligin arttyrýymyz qajet», dedi B. Saǵyntaev.