Almatydaǵy ál-Farabı atyndaǵy QazUÝ-diń О́.Joldasbekov atyndaǵy Stýdentter saraıynda Parlament Májilisiniń vıse-spıkeri, «Nur Otan» partııasy fraksııasynyń jetekshisi Gúlmıra Isimbaeva men Májilis depýtaty Bekbolat Tileýhan ýnıversıtet qyzmetkerlerimen jáne Bostandyq aýdanynyń stýdent jastarymen kezdesý ótkizdi.
Onda Memleket basshysy N.Á.Nazarbaevtyń Qazaqstan halqyna «Qazaqstannyń Úshinshi jańǵyrýy: jahandyq básekege qabilettilik» atty Joldaýy men Elbasynyń bılik tarmaqtary arasynda ókilettikterdi qaıta bólý jónindegi konstıtýsııalyq reformalarǵa jasaǵan Úndeýi talqylandy. Otyrysta sóz sóılegen Parlament Májilisiniń vıse-spıkeri Gúlmıra Isimbaeva Joldaýdyń mán-mańyzy men ereksheligin aıta kelip, bul qujatta oqý úderisterine IT-bilimdi engizý, jańa ındýstrııada sıfrlyq tehnologııany qoldaný, qarjylyq biliktilikti kóterý, úshtildilikti damytý, turǵyndardyń sapaly bilim alýǵa qoljetimdiligin qamtamasyz etý máselelerine erekshe nazar aýdarylǵanyn taldap aıtyp berdi. Búkilálemdik daǵdarys jaǵdaıynda memlekettiń ýaqyt talabyna saı damýdyń 5 baǵytyn tańdap alǵanyn jan-jaqty túsindirdi. Depýtattar men jastar júzdesýine ál-Farabı atyndaǵy QazUÝ-diń zań fakýltetiniń dekany Dáýlet Baıdildınov, osy oqý ornynyń Jastar isi jónindegi komıtetiniń tóraıymy Aısulý Ernııazova qatysty.
* * *
Sonymen qatar, Parlament Májilisi Tóraǵasynyń oryn- basary, «Nur Otan» partııasy fraksııasynyń jetekshisi Gúlmıra Isimbaeva Qazaq ulttyq qyzdar pedagogıkalyq ýnıversıtetiniń professorlyq-oqytýshylar quramymen jáne stýdent jastarymen de kezdesti. Kezdesý barysynda ózi de ustazdarǵa ustaz bolǵan ulaǵatty basshy «Qazaqstannyń Úshinshi jańǵyrýy: jahandyq básekege qabilettilik» atty Joldaýdy taldaı kele, Tórtinshi basymdyq – adamı kapıtal sapasyn jaqsartý – bilim berý, densaýlyq saqtaý, áleýmettik qamsyzdandyrý salalarynyń mańyzyna aıryqsha toqtaldy.
Aınash ESALI,
«Egemen Qazaqstan»
ALMATY