Elbasynyń konstıtýsııalyq reformasyn taldaý maqsatynda Almaty qalasyndaǵy Nemis úıinde «Qazaqstan nemisteriniń qoǵamdyq birlestiginiń «Vozrojdenıe» assosıasııasy» respýblıkalyq qoǵamdyq birlestigi ókilderiniń uıymdastyrýymen konferensııa ótti. Is-sharaǵa QHA Tóraǵasynyń orynbasary Leonıd Pıtalenko, QHA músheleri, respýblıkalyq etnomádenı birlestikteriniń jetekshileri, Qazaqstan nemis jastarynyń ókilderi qatysty.
Jıyn barysynda sóz alǵan qonaqtar Elbasynyń konstıtýsııalyq reformasyna taldaý jasaı kele, bul damýdyń dańǵyl jolyna jeteleıtin iri qadam dep baǵa berdi. Is-sharany ashqan QHA Tóraǵasynyń orynbasary Leonıd Pıtalenko: «Qazaqstannyń Úshinshi jańǵyrýy: jahandyq básekege qabilettilik» atty jańa Joldaý Elbasy aıtqandaı bolashaqqa degen senimdi kópir bolmaq. Qazaqstan halqy Elbasynyń bastamasyn biraýyzdan qoldaıdy», – dep talqylanyp otyrǵan taqyryptyń mańyzdylyǵyn sóz etti.
Elbasy engizgen reformadaǵy basty máseleler elimizdiń damýyndaǵy eleýli oqıǵa ǵana emes, sondaı-aq, bútin bir memlekettiń bolashaǵyn aıqyndaıtyn úlken bastama ekendigin alǵa tartqan tarıh ǵylymdarynyń doktory Georgıı Kan: «Bul ıgi bastamada bárimiz belsendilik tanytýymyz qajet. Qazaqstannyń EQYU-ǵa tóraǵalyq etýi, álem elderiniń nazaryn ózine aýdarýy, basqa da eleýli jetistikter elimiz úshin úlken abyroı. Bul baǵyt bılik tarmaqtarynyń jaýapkershiligin kúsheıtýge zor septigin tıgizedi», – dedi.
Qazaqstandaǵy Nemis jastary odaǵynyń jetekshisi Artýr Bartel elimizdegi nemis jastary atynan atalǵan reforma Úkimet pen Parlamenttiń tepe-teńdigin qamtamasyz ete otyryp, demokratııanyń tyń serpin alýyna úlken septigin tıgizetin qural ekenin aıtty. Atalǵan sharany uıymdastyrýshy «Qazaqstan nemisteri qoǵamdyq birlestikteriniń «Vozrojdenıe» qaýymdastyǵynyń» jetekshisi Aleksandr Dederer jıynda talqylanǵan máselelerdiń ózektiligine toqtalyp, Qazaqstan nemisteri qoǵamdyq birlestigi jáne elimizdegi barsha nemis ultynyń ókilderi Elbasy saıasatyn tolyqtaı qoldaıtynyn, bul reformanyń elimiz úshin eleýli betburys ekenin aıtty.
Arman OKTIаBR,
jýrnalıst
ALMATY