Shymkent qalasynyń ákimi Ǵabıdolla Ábdirahymov 2016 jyly atqarylǵan jumystar jóninde halyq aldynda esep berdi. Jıynǵa óńir basshysy Janseıit Túımebaev qatysty. Bul týraly OQO ákiminiń baspasóz qyzmeti habarlady.
Shahar basshysy atap ótkendeı, ótken jyly «Nurly jol», «Indýstrııaldy-ınnovasııalyq damý», «О́ńirlerdi damytý» baǵdarlamalaryn iske asyrý arqyly birshama jaqsy kórsetkishterge qol jetkizildi. Máselen, ónerkásip óniminiń kólemi 327 mlrd.teńgeni qurap, 2015 jylmen salystyrǵanda 4 paıyzǵa, aýylsharýashylyq óniminiń kólemi 3 paıyzǵa, qurylys jumystarynyń kólemi 23 paıyzǵa, paıdalanýǵa berilgen turǵyn úı 14 paıyzǵa ósti. «Nurly jol» jáne «О́ńirlerdi damytý» baǵdarlamalary sheńberinde 3 777 páterli 64 kóp qabatty turǵyn úıdiń qurylysy júrgizildi. Onyń ishinde, esepti jyly 90 páterli 2 kommýnaldyq, 216 páterli jas otbasylarǵa arnalǵan, «Qazaqstannyń ıpotekalyq kompanııasy» jáne «Báıterek development» arqyly 996 páterli 32 turǵyn úı paıdalanýǵa berildi. Nátıjesinde, 1 302 otbasy turǵyn úımen, 35 otbasy jataqhanamen qamtasyz etildi.
Qalalyq bıýdjet 2016 jyly 111 mlrd. teńgeni qurap, 2015 jylmen salystyrǵanda 28 mlrd. teńgege ulǵaıdy. Qarjynyń basym bóligi, qalanyń ınjenerlik júıelerine, osy salany damytýǵa baǵyttalǵan. 52 jobanyń qurylysyna 20 mlrd.teńge qarjy bólinse, 27-si paıdalanýǵa berildi. Transport salasyna ótken jyly 13 mlrd.teńge qarjy baǵyttalyp, 2015 jylǵa qaraǵanda qarjy kólemi 6,7 mlrd.teńgege ulǵaıdy. Qarjyny ulǵaıtý arqyly birqatar mańyzdy jobalardyń qurylysy júrgizildi. Týrızmdi damytý maqsatynda qalada birqatar jobalar iske asyryldy.
Atap aıtqanda, Shymkenttiń brendin qalyptastyrý úshin qalanyń logotıpi qyzǵaldaq beınesine ózgertildi. Otbasylyq demalýǵa arnalǵan «Tulpar» kóli mańynda jeke ınvestor esebinen «Jaılaý kól» oıyn saýyq ortalyǵy ashyldy. Onda, bıiktigi 50 metr «Altyn Eye» atty dóńgelek sheńber ornatyldy. Aýyl sharýshylyǵy salasy. Qalada 4 myńǵa jýyq sharýa qojalyqtary, 200-den astam jaýapkershiligi shekteýli seriktestikter jumys jasaıdy. Bul salany qoldaý maqsatynda «Agrobıznes 2020» baǵdarlamasy júzege asyrylýda. Baǵdarlama sheńberinde kólemi 11 ga quraıtyn jylyjaılar ashyldy (Altyntóbe, Qaınarbulaq, Saıram, Jańatalap, Mártóbe, Aqjar turǵyn alabtarynda). Onyń ishinde 5,5 ga ónerkásiptik jylyjaı. 200 gektar jerge tamshylatyp sýarý ádisi endirildi. Qarjy uıymdarymen 825 mln.teńgege 130 bıznes joba qarjylandyryldy. Bilim sapasyn jaqsartý baǵytynda oqýshylar úlgerimin ata-anasy baqylaý maqsatynda 29 mektepke pılottyq joba retinde elektrondyq baqylaý júıesi engizildi.
Naqtyraq aıtsaq, ata-anaǵa uıaly telefon arqyly balasynyń úlgerimi týraly SMS nemese elektrondyq poshta arqyly habarlama berilip otyrady. Sportshylarymyzǵa jaǵdaı jasaý úshin ótken jyly №12-shi sport mektebi qaıta jańǵyrtylyp, paıdalanýǵa berildi. Bokstan №5-shi sport mektebinde (FOK) qosymsha qurylys jumystary bastalyp, osy jyldyń jazynda qaıta iske qosylady. Salaýatty ómir saltyn nasıhattaý úshin demeýshilerdiń esebinen 4 jerge «Streetworkout» sport alańshasy, Túrkistan kóshesi boıynan Krossfıt ortalyǵy ashyldy. «Samuryq-Qazyna» ulttyq ál-aýqat qory arqyly qalamyzda Astana qalasynan keıingi «ShymkentBike» jobasy iske asyryldy.