WBC nusqasy boıynsha birinshi orta salmaqta burynǵy álem chempıony Serhıo Mora qazaqstandyq Gennadıı Golovkındi (36-0, 33 KO) jeńý úshin Dennıel Djeıkobs (32-1, 29 KO) qandaı ádis qoldanýy kerek ekendigin málimdedi. Bul týraly sports.kz habarlady.
«Djeıkobs kezdesýdiń basynda-aq ótkir shabýyldarǵa shyǵyp, joıqyn soqqylaryn darytýy tıis. Sonymen qatar, Golovkınniń ekpinine tótep berip, qysymynan der kezinde shyǵa bilýi qajet. Mine, osylaısha ol qarsylasynyń betin qaıtardy», – dep jazdy týıtterinde.
Buǵan deıin Serhıo Mora qos boksshynyń arasyndaǵy jekpe-jekke óz boljamyn jasaǵan. Aıtýyna qaraǵanda, 18 naýryz kúni Madison Square Garden arenasynda jankúıerler kútken naǵyz aıqas bolady. Alaıda, amerıkalyq bul urysta úsh-tórt raýndqa deıin ǵana shydaýy múmkin.
Aıta keteıik, Djeıkobs pen Mora sharshy alańda eki ret kezdesken. 2015 jyly tamyz aıynda Dennı ekinshi raýndta-aq sulatyp salsa, 2016 jyldyń qyrkúıeginde jetinshi raýndta nokaýtpen jeńdi.