2016 jyly Aqmola oblysynda halyqty jumyspen qamtýǵa járdemdesýdiń óńirlik keshendi josparyn iske asyrý sheńberinde memlekettik qoldaý sharalarymen jumyssyzdar (15,5 myń adam) jáne ózin-ózi nátıjesiz jumyspen qamtyǵandar (5,9 myń adam) qataryndaǵy 21,4 myń adam qamtyldy, dep habarlady QR Eńbek jáne halyqty áleýmettik qorǵaý mınıstrliginiń baspasóz qyzmeti. Bul óńirdegi jumyssyzdar men ózin-ózi nátıjesiz jumyspen qamtyǵandardyń jalpy sanynyń 52,9 %-yn quraıdy.
Onyń ishinde:
- memlekettik jáne úkimettik baǵdarlamalar, aýmaqtardy damytý baǵdarlamalary sheńberinde iske asyrylyp jatqan jobalarǵa 2 myń 488 adam jumysqa ornalasty;
- áleýmettik jumys oryndaryna 637 adam;
- jastar praktıkasyna 682 adam;
- qoǵamdyq jumystarǵa - 3 myń 318 adam ;
- kásitik oqytýǵa 313 adam jiberildi, onyń ishinde 115 adam kásipkerlik negizderine oqýǵa jiberildi;
- 13 myń 529 adam memlekettik qoldaý sharalaryn qoldanbaı jumysqa ornalasty.
Budan basqa, 439 adam jeke isin ashý nemese keńeıtý úshin mıkrokredıtter aldy.
2016 jyly respýblıka boıynsha halyqty jumyspen qamtýǵa járdemdesýdiń keshendi josparyn iske asyrý sheńberinde memlekettik qoldaý sharalarymen 520 myń adam qamtyldy.