Halyqaralyq valıýta qory Qazaqstannyń ekonomıkalyq ósimin qysqa jáne orta merzimde qarqyn alatynyn boljaıdy, deıdi qordyń Qazaqstandaǵy mıssııasynyń basshysy Mark Horton.
«Qazaqstandaǵy ekonomıkalyq ósim qarqyny 2017 jyly 2,5 paıyzǵa deıin kóteriledi dep joramaldaımyz», — dedi Horton.
Onyń aıtýynsha, HVQ eldiń orta merzimdik bolashaqta qarqyndy damymaq.
«Máselen, 2020-2021 jyldarǵa qaraı munaı sektoryndaǵy ósim 4 paıyzǵa ulǵaımaq. Bul elde qabyldanyp jatqan sharalardyń arqasynda múmkin bolmaq», — dedi qordyń Qazaqstandaǵy ókili.
Erterekte HVQ Qazaqstan JIО́ ósimin 2017 jyly 0,6 paıyz bolady dep boljaǵan edi.
Al ótken aptada ótken Úkimettiń keńeıtilgen otyrysynda QR Ulttyq ekonomıka mınıstri Tımýr Súleımenov 2017 jylǵy ekonomıkalyq ósim 2 paıyz bolady dep boljaǵan bolatyn.
Esterińizge sala keteıik, 2016 jyly Qazaqstandaǵy JIО́ ósimi 1 paıyzdy qurady.