EKSPO- 2017 kórmesine arnalǵan jalpy tamaqtandyrýdy uıymdastyrý jumysy baıqaýynyń aralyq nátıjesi jarııalandy.
"Astana EKSPO-2017» ulttyq kompanııasynyń kommersııalandyrý departamentiniń dırektory Dáýlet Erkimbaev BAQ ókilderimen kezdesti. Departament dırektory kórmege arnalǵan qoǵamdyq tamaqtandyrýdy uıymdastyrý baıqaýynyń aralyq nátıjesimen tanystyrdy.
«Meıramhana qyzmet kórsetý jumystaryn uıymdastyrý osyndaı keń aýqymdy is-sharalardyń qajetti ári mańyzdy aspektisi. Qyzmet kórsetý, ıaǵnı servıs ár memleketten kelgen tulǵalar men kórmege qatysýshy memleket delegattarynyń, sonymen qatar, qala qonaqtary men turǵyndarynyń oıynan shyǵýy kerek. Búgingi kúni 15-ke jýyq memleket ózderiniń ulttyq ashanasyn bildiretin tamaqtaný oryndaryn uıymdastýdy josparlady. Bul Italııa, Germanııa, Polsha jáne t.b memleketter», - dedi D.Erkimbaev.
Sondaı-aq, kórmege aýmaǵy 10 myń sharshy metrden asatyn jalpy tamaqtanýdy uıymdastyrýǵa arnalǵan kommersııalyq oryndar bólindi. Jalpy alǵanda, 40-tan asa tamaqtaný oryndaryn uıymdastyrý josparlanyp otyr. Kommersııalyq pavılondardyń birinshi qabattarynda meıramhana, kofehana, barlar ornalasady. Ekinshi qabattarda saýda ortalyqtaryndaǵydaı fast-fýd bolady. Jalpy tamaqtandyrý oryndaryn uıymdastyrǵan kezde barlyq áleýmettik toptar men tabys deńgeıi qaraldy.
«2016 jyldyń sońynan bastap baıqaýdy jarnamalaý bastaldy. Atap ótý kerek, bıznes belsendi qatysyp jatyr. Sonymen, búgingi tańda 71% jaldaýshylar anyqtaldy. Jaldaýshylardy tańdap alǵan kezde, eń aldyymen, qyzmet kórsetý jumysy, naryqtyq tájirıbesi men qoljetimdi baǵa saıasatyna asa nazar aýdarylady. Kásipkerlik sektordy belsendi qatysýǵa shaqyramyz. Ne degenmen, bul bizdiń otandyq óndirýshilerge ózderin kórsetýge arnalǵan taptyrmas múmkindik»,- dedi «Astana EKSPO-2017»UK kommersııalandyrý departamentiniń dırektory.
Qazirgi tańda 115 memleket pen 18 halyqaralyq uıym ózderiniń EKSPO-2017 kórmesine qatysatyndaryn rastady.