Memleket basshysy bıylǵy Joldaýynda «Indýstrııa 4.0» prosesin Qazaqstanda damytýǵa aıryqsha nazar aýdardy, dep jazady QR Investısııa jáne damý mınıstri Jeńis Qasymbek Feısbýktegi paraqshasynda.
"Kópshilikke «Indýstrııa 4.0» retinde belgili tórtinshi ónerkásiptik revolıýsııa búginde álemdegi jahandyq ekonomıkalyq mańyzy bar tendensııaǵa aınaldy. «Indýstrııa 4.0» ónerkásip salalaryn transformasııalaý úshin aldyńǵy qatarly aqparattyq kommýnıkasııalyq tehnologııany keńinen qoldanýǵa qajet.
Memleket basshysynyń tapsyrmasy men elimizdegi halyqaralyq tájirıbege sáıkes, «Indýstrııa 4.0» negizinde birtindep ónerkásipti tehnologııalyq jańǵyrtýdyń keshendi sharasy men tıisti tujyrymdama ázirlenetin bolady. Jalpy, Indýstrııa 4.0 elementterin engizý Qazaqstan ónerkásibine qoldanystaǵy júıeni jeńildetýge kómektesedi. Jańa tehnologııalar elektrondy formatta derektermen almasýdy uıymdastyrýǵa jáne jergilikti jerde az mólshermen shyǵarýǵa múmkindik beredi (mysaly, avtomobıl ónerkásibiniń qajet bólshekteri). О́ndiristi avtomattandyrý adam eńbegin almastyrýǵa múmkindik beredi. Mysaly, robottalǵan dánekerleý kesheniniń bir operatory tapshylyǵy udaıy seziletin 5-10 bilikti dánekerleýshini almastyra alady. Bul turǵyda olardy oqytýǵa jumsalatyn shyǵyn azaıady, sonymen qatar, salaǵa jastardy tartýda kásiptiń bedeli artady.
«BCG» sarapshylarynyń pikiri boıynsha, «Indýstrıı 4.0» engizý Germanııada óńdeý ónerkásibinde ónimdilik 90 mlrd. eýrodan 150 mlrd. eýroǵa deıin artqan. Al, nemis kompanııalarynyń qosymsha tabysy jylyna 30 mlrd. eýrony quraıdy. Sondaı-aq, halyqaralyq sarapshylardyń pikirinshe, «Indýstrııa 4.0.» tehnologııasyna kóshýge 20 jylǵa jýyq ýaqyt qajet. Degenmen, qazirdiń ózinde sandyq negizge kóshý úshin tıisti alǵysharttardy jasaý kerek. Mysaly, túrli elderde ortasha jáne uzaqmerzimdi bastamalar men «Indýstrııa 4.0.» tehnologııasyn engizýdiń tıisti tujyrymdamalary qabyldanǵan: «Industrie 4.0» (Germanııa), «Industrie du Futur» (Fransııada), «Manufacturing innovation 3.0» (Ońtústik Koreıada), «Make in India» (Úndistan), «Industria Conectada 4.0» (Ispanııada), «Ulttyq tehnologııalyq bastama» (RF), «The New Robot Strategy» (Japonııa), «Manifattura Italia» (Italııa), China Manufacturing 2025 (QHR) jáne t.b", - deıdi mınıstr.