Reseıdiń estrada juldyzy Tımatıdiń avtokóligi aıyp turaǵynda 11 jyl boıy «qamaýda» turǵandyqtan, satylymǵa shyǵarylatyn boldy. Bul týraly áıgili ánshiniń ózi Instagramdaǵy paraqshasynda jazyp, senimdi ókilin Petropavl qalasyna jiberýge ýáde etken. Ondaǵy maqsat – satyp qutylý, al odan túsken qarjyny jetim balalar úıine tapsyrý.
Tanymal reperdiń tórt dońǵalaqty «temir tulpary» teriskeıge qalaı «adasyp» kelgen degen saýalǵa gazet oqyrmandary bas qatyrmas úshin jaýap bere keteıik. Tımatı Máskeýde gastroldik saparda júrgende «Aýdı TT» qymbat sporttyq kóligin bireýler úptep ketken. Qoldan-qolǵa ótip, birneshe márte satylǵan avtokólik aqyry Qyzyljar óńirinen bir-aq shyqqan. Nómiri joq, eshqandaı tirkeýge alynbaǵan avtokólikti qyraǵy kóz tártip saqshylary baıqap qalyp, aıyp turaǵyna qoıýǵa májbúr bolǵan. 11 jyl boıy ıesi izdeý salmaǵandyqtan, qańtarýly kúıde tura bergen.
Avtoturaq basshylyǵynyń málimdeýinshe, kólik qylmystyq istiń zattaı aıǵaǵy bolǵandyqtan, satýǵa tyıym salynǵan. Áıtpese, saýdalasýshylardyń qatary jyrtylyp aıyrylatyn kórinedi. Eń joǵary baǵa 1 mıllıon teńge tóńireginde. О́ıtkeni, jyldyń tórt mezgili boıy qardan, jaýyn-shashynnan kóz ashpaǵan kóliktiń on ekide bir nusqasy qalmaǵan syńaıly.
О́mir ESQALI, «Egemen Qazaqstan»
Soltústik Qazaqstan oblysy