Parlament Senatynyń depýtaty Tóleýbek Muqashev «Qazaqstan gaz assosıasııasy» zańdy tulǵalar birlestiginiń eńbek ujymymen kezdesti. Júzdesýde Memleket basshysy N.Nazarbaevtyń bılik tarmaqtary arasyndaǵy ókilettikterdi qaıta bólý jónindegi Úndeýi men «Qazaqstannyń Úshinshi jańǵyrýy: jahandyq básekege qabilettilik» atty halyqqa Joldaýy jan-jaqty talqylandy.
Kezdesýge qatysýshylar elimizdiń budan bylaıǵy damýy aıqyndalǵan sharalardyń mańyzdy ekenin biraýyzdan aıta kelip, Memleket basshysynyń usynystaryna biraýyzdan qoldaý bildirdi. T.Muqashev keıbir ókilettikterdiń Úkimet quzyretine berilýi áleýmettik-ekonomıkalyq mindetterdi tıimdi iske asyrýǵa qosymsha serpin beretinin atap ótti. Memleket basshysy alǵa qoıǵan mindetterdi Úkimettiń tolyq kólemde iske asyrýǵa qabilettiligi, qazirgi zamannyń qaterlerine jedel áreket etetini jáne mańyzdy memlekettik baǵdarlamalardyń júzege asýyna baqylaýdy qamtamasyz etetini aıtyldy.
Pikirsaıys nátıjesinde Memleket basshysynyń qazaqstandyqtardyń ál-aýqatyn jaqsartýǵa baǵyttalǵan Joldaýy elimiz damýynyń jańa kezeńine jol ashatyny atap kórsetildi.
Aınash ESALI, «Egemen Qazaqstan»
ALMATY