Parlament Májilisiniń depýtattary Jambyl Ahmetbekov, Baqytgúl Hamenova, Gennadıı Shıpovskıh, Marat Bopazov Atyraý oblysyna jumys sapary barysynda «Batys» óńirlik qolbasshylyǵynyń shtabynda áskerı qyzmetshilermen jáne olardyń otbasy múshelerimen kezdesti.
Áskerı qyzmetshilermen áńgimelesý barysynda, depýtattar «Qazaqstannyń Úshinshi jańǵyrýy: jahandyq básekege qabilettilik» Joldaýyn talqylap, ondaǵy áleýmettik qamtamasyz etý baǵytyn túsindirdi. 2017 jyldyń 1 shildesinen bastap zeınetaqy 20 paıyzǵa kóteriletinine, 2018 jyldyń 1 shildesinen bastap zeınetaqy taǵaıyndaýdyń jańa ádistemesi engiziletinine toqtaldy. «Nurly jer» memlekettik baǵdarlamasyn júzege asyrý jónindegi mańyzy joǵary másele týraly da aıtyp ótti.
О́z kezeginde sóz alǵan áskerı qyzmetshiler Prezıdent Joldaýyn qoldaıtyndyqtaryn, elde júrgiziletin reformalardy talqylaýǵa atsalysatyndyqtaryn aıtyp, oń nátıje kútetindikterin jetkizdi.
Baqytgúl BABASh, «Egemen Qazaqstan»
ATYRAÝ