Serbııalyq dıplomatpen kezdesti

Kezdesýde Gúlshara Ábdi­qa­lyqova: «Sońǵy jyldary Qazaqstan men Serbııa ara­syndaǵy qarym-qatynastar saıası, ekonomıkalyq jáne má­denı-gýmanıtarlyq salalarda serpindi damyp kele ja­tyr. Serbııa Prezıdentiniń Qa­zaqstanǵa sapary barysynda naqty ýaǵdalastyqtarǵa qol jetkizildi. Qazaqstan Pre­zı­­dentiniń Serbııaǵa sapary kezin­de de birqatar mańyzdy keli­simderge qol qoıyldy. Bizdiń elimizge Serbııanyń Pre­mer-mınıstri de kelip, eko­no­mıkalyq qatynastarǵa oń yqpal etetin sheshimder jasaldy. Aldaǵy ýaqytta sizderdiń el­­derińizdiń Parlament tóra­ǵa­synyń da saparyn kútý­demiz», – dedi. Memlekettik hatshy eki­­jaq­ty úkimetaralyq komıs­­sııa­­nyń ótken jyly tabys­­ty jumys istegenine, eki el ara­syn­daǵy áriptestik baı­la­nys­tyń keleshegi zor ekenine toq­ta­lyp ótti. Onyń aıtýyn­sha, Qa­zaqstan men Serbııa ara­syn­daǵy qarym-qatynas qar­qyny jyl sanap artyp keledi. «О́tken jyldyń statıs­tı­kalyq derekterine sáıkes, ózara taýar aınalymy shama­men 25 mıllıon dollardy qu­­ra­dy. Odan bólek, mádenı-gý­ma­­nı­tarlyq saladaǵy qaty­nas­tar da damyp keledi. Byltyr Ser­bııa astanasynda eki eldiń Mem­leket basshylarynyń qaty­­sýymen qazaqtyń uly aqy­­ny Jambyl Jabaevtyń es­kert­kishi ashyldy, sol úshin de rı­zashylyǵymyzdy bildi­remiz»,– dedi Memlekettik hatshy. Gúlshara Ábdiqalyqova aı­typ ótkendeı, osy tektes ıgi sharalar Qazaqstanda da at­qa­rylýda. Búgingi tańda Serbııa men Qa­zaqstan arasynda qurylys, far­masevtıka jáne aýyl sha­rýashylyǵy salalaryndaǵy baılanys kúsheıip kele jat­qa­nyn aıta ketý kerek. Qazaq­stannyń kóterme jáne bólshek saýda, qurylys salalarynda Ser­bııa kapıtalynyń qaty­sýymen onnan astam birlesken ká­siporyn jumys isteıtini osynyń aıǵaǵy. Elshimen kezdesýde Mem­le­­kettik hatshy aldaǵy EKSPO-2017 halyqaralyq kór­­­me­sine Serbııa tarapy qaty­­sýǵa nıet bildirgenin tilge tıek etti. О́z kezeginde Serbııa elshi­si el Táýelsizdiginiń 25 jyl­dy­ǵymen jáne Qazaqstannyń BUU Qa­ýipsizdik Keńesiniń tu­raqty emes múshesi bolyp saılanýymen quttyqtady. «Biz aldaǵy EKSPO kór­mesine qatysamyz. Qazir oǵan ázirlik jumystary qarqyndy júrip jatyr, ıdeıalyq jáne tehnıkalyq tujyrymdamasy jaqyn arada bekitiledi», – dedi Vladımır Mırkovıch. Kezdesý sońynda Gúlshara Ábdiqalyqova serbııalyq dıp­lomatqa Qazaqstan men Serbııa arasynda san salaly ári senimdi seriktestik ornatýǵa úles qos­qany úshin rızashylyǵyn bil­dirip, myqty densaýlyq, ıgilik pen tabys tiledi. Arnur ASQAR, «Egemen Qazaqstan»