Táýelsizdik jeńisi uly mura,
Jastar ǵoı azyq bolar ǵumyryna,
Súıinshi, Qazaq eli, taǵy jeńis,
Taǵy da mindi jeńis tuǵyryna.
Kún saıyn beıbit ómir tókti reńin,
Sporttyq álemimiz kók tirediń,
Bári de Elbasynyń arqasynda,
Kemeńger kóregendik dep bilemin.
Otanǵa osy kerek, jastarǵa erteń,
Jetedi Alataýdaı asqarǵa erteń,
Jeńispen altyndardy jaýdyrǵan kún,
Qazaǵym búgininen bastar ma eken!
Shoqtaı mazdap janady dalam oty,
Jan-jaqtan jelbireıdi jalaý oty,
Bul da bir Táýelsiz El jeńisi ǵoı,
Alataý qushaǵynda alaý oty!
Ýnıversıada alaýy – órisimiz,
Osyǵan kelistik pe, kelisińiz.
Táýelsiz Uly dala – Qazaq eli,
Bastaldy san ǵasyrlyq Jeńisimiz!
Jeńispen óz tarıhyn jazady eri,
Ultjandy ulaǵaty ǵajap edi.
Baıandy bop jalǵassyn san ǵasyrlar,
Tuǵyryń qutty bolsyn Qazaq Eli!
Qushaqtasyp dostardaı kórispegen,
О́negeli, óreli ór ispenen,
Árbir tańdy, Qazaǵym, árbir kúndi,
Qarsy alaıyq osylaı Jeńispenen!
Shómishbaı SARIEV,
Qazaqstannyń eńbek
sińirgen qaıratkeri,
Almatyda aıaqtalǵan
28-shy qysqy
Ýnıversıada alaý oty án-urany mátininiń
avtory