Stýdentter arasyndaǵy básekeniń bastalar aldynda QR Mádenıet jáne sport mınıstri Arystanbek Muhamedıuly Ýnıversıadada top jarǵan sportshylar 4,9 mıllıon, kúmis júldegerler 3,3 mıllıon, al qola júlde alǵandar 1,6 mıllıon teńge kóleminde syıaqy alatynyn aıtty. Sonymen qatar, shákirtteri júldegerler qataryna ilikken bapkerler de qur qol qalmaıtynyn jetkizgen.
Ýnıversıada oıyndarynda Qazaqstan quramasy 11 altyn, 8 kúmis jáne 17 qola, jalpy sany 36 júlde jeńip aldy. Sóıtip komandalyq esepte tek Reseıdi alǵa jiberip, ekinshi orynǵa turaqtady.
Altyn medal jeńip alǵan sportshylar úshin 63 mıllıon 700 myń teńge, kúmis medal alǵan sportshylar úshin 125 mıllıon 400 myń teńge, qola júldegerler úshin 40 mıllıon teńge memleket qazynasynan bólinetin bolady. Vesti.kz málimeti boıynsha, sportshylar úshin 229 mıllıon 100 myń teńge tólenedi. Dál osyndaı kólemde jattyqtyrýshylary da syıaqy alady. Barlyǵyn qosa eseptegende memleket tarapynan syıaqyǵa 458 mıllıon 200 myń teńge bólinetin bolady.
Ýnıversıada oıyndarynda qazaqstandyq sportshylar arasynda eń kóp syıaqyny Galına Vıshnevskaıa alady. Bul sportshynyń Ýnıversıada oıyndaryndaǵy syıaqysy (eki altyn, eki kúmis) 16 mıllıon 400 myń teńgeni quraıdy.
Osy mólsher boıynsha ekinshi orynda Anna Shevshenko. Ol 13 mıllıon alady. Shańǵyshymyz báseke barysynda bir altyn, bir kúmis jáne eki qola jeńip aldy.
Frıstaılshy Dmıtrıı Reıhard pen Iýlııa Galyshevalardyń syıaqysy – 9 mıllıon 800 myń teńge. Bul eki sportshy Ýnıversıadada eki altyn alǵan.