2016 jyly qazirgi zamanǵy telekommýnıkasııalyq ınfraqurylymdy qurý qorytyndysynda ınternet qoldanýshylarynyń sany 72,9 paıyzǵa jetti. Bul týraly Aqparat jáne kommýnıkasııa mınıstri Dáýren Abaev Aqparat jáne kommýnıkasııa mınıstrliginiń keńeıtilgen otyrysynda aıtty. Mınıstrdiń aıtýynsha, bul kórsetkish Qazaqstandy Jahandyq básekelestiktiń ındeksi reıtıngisinde 41-shi orynǵa shyǵarǵan.
Sonymen qatar mınıstr 3G jáne 4G jelileri belsendi damyp jatqanyna toqtaldy.
«Belsendi túrde 3G jáne 4G jelileri damýda. Olardyń sany 14,2 mln-ǵa jetti. 2017 jyldyń sońyna taman 4G jelisimen barlyq aýdan ortalyqtaryn qamtý josparlanyp otyr. 2016 jyly respýblıkalyq bıýdjetke 72 mlrd teńge radıojıilik salasy boıynsha kiris tústi», - dedi Abaev.
Ol aıtyp ótkendeı, qala men aýyl arasyndaǵy «sıfrlyq teńsizdikti» tómendetý maqsatynda Mınıstrlik 2020 jylǵa deıin MJÁ aıasynda 2 mln turatyn 3 myń aýyldy optıkalyq-talshyqty baılanys jelisimen qamtýdy josparlap otyr.