Qazaqstandyq akter Nurjan Toılybaev kisi óltirgeni úshin 11 jylǵa sottaldy, dep jazady Tengrinews.kz.
Toılybaev qazir tergeý ızolıatorynda jatyr.
Nurjan Toılybaev. Sýret jeke arhıvinen alyndy
38 jasar akter zorlaý jáne buzaqylyq baptarymen sottalǵan bolatyn. Nurjan Toılybaevtyń "Máńgi el", "Záýre" jobalary men "Aıman Sholpan" jáne "О́geı júrek" serıaldaryna túskeni belgili. Serıalda Nurjan Toılybaev qylmyskerlerdiń obrazyn somdaǵan. Toılybaevtyń aıtýynsha, isti bolǵan kúni ol dosymen kezekti túsirilimniń aıaqtalýyn toılap jatqan. Akterdiń ózi janjal kezinde tek ózin qorǵaǵanyn aıtyp, sot úkimimen kelispeıtinin jetkizdi. Endi apellıasııalyq shaǵym túsirmekshi. Akterdiń aıtýynsha, ol kópbalaly áke.
"Oqıǵa 2016 jyldyń 10 qyrkúıeginde Fabrıchnyı aýylynda boldy. Men dosymmen túsirilimniń aıaqtalýyn atap ótpek boldym. Káýaphanaǵa bardyq. Kórshi ústelde birneshe adam otyrǵan. Solardyń biri (qaıtys bolǵan Murat Qarsylıev) maǵan "Juldyz bolyp ketetindeı Dı Kaprıo emessiń ǵoı" dep tıisti. Sosyn bizdiń ústelge kelip otyrdy. Sol jerde sózge kep qaldyq, al dalaǵa shyqqanda onyń dostary maǵan pyshaqpen jabylyp ketti. Men ózimdi qorǵaý úshin mangaldan qysqyshty alyp Muratty urdym. Basynan soqqy alǵan ol jerge qulap qaldy. Sosyn ony jedel járdem qyzmeti alyp ketti, jıyrma mınýttan keıin qaıtys bolypty. Men sol qashqannan tórt aı jasyrynyp júrdim", - deıdi Nurjan Toılybaev.
Jeltoqsanda tártip saqshylary akterdi jaldamaly páterden ustap alady. Nurjanǵa "Qasaqana aýyr dene jaraqatyn keltirý" baby boıynsha aıyp taǵylady. Keıin bul bap "kisi óltirý" babyna aýystyryldy. Tergeý sharalary ótip jatqan kezde Nurjan qaıtys bolǵan Murat Qarsylıevtyń áıeli Malıka Qarsylıevaǵa úı men jer telimin usynǵan. Alaıda Malıka Qarsylıeva 10 mln teńgege talap-aryz túsiredi.
Murat Qarsylıev, sýret jeke arhıvinen alynǵan
Murat Qarsvlıev ınjener-montajdaýshy bolyp jumys istegen. Otbasymen birge Fabrıchnyı aýylynda turǵan. Artynda áıeli men tórt balasy qaldy. Malıka Qarsylıevanyń aıtýynsha, sot onyń 10 mln teńge óndirip alýǵa bergen talap-aryzyn qanaǵattandyrmaı, tek 2 mln teńge ǵana alyp bergen.
Murat áıelimen.
"Men tórt balamen jalǵyz qaldym. Murat uıaly telefondarǵa baılanys ornatýmen aınalysatyn. Sottalýshynyń týystary maǵan eski úıdi usyndy. Men odan bas tarttym. Basqa eshteńe de usynbady. Bir ret bir qap kartop pen azdaǵan un jáne azyq-túlik alyp keldi. Olardyń bar kómegi osy boldy", - deıdi Malıka.
Malıkanyń aıtýynsha, Nurjannyń qatty soqqysynan Murattyń bas súıegi synyp ketken. Meniń kúıeýimde eshqandaı pyshaq ta, sýyq qarý da bolmaǵan.
"Toılybaevqa 1-bólimniń 99-baby boıynsha"Kisi óltirý" aıyby taǵylyp, qatań tártiptegi túzeý mekemesine 11 jylǵa sottaldy. Úkim zańdy kúshine engen joq. Taraptar úkimge 15 kún ishinde apellıasııalyq shaǵym túsire alady", - dep habarlaıdy Almaty oblystyq sotynyń baspasóz qyzmeti.
Sottalýshynyń artynda áıeli men eki balasy qaldy.