Qytaıdaǵy «I am a singer» xalyqaralyq baıqaýyna qatysyp júrgen qazaqstandyq ánshi Dımash Qudaıbergen AQSh-tyń «The Voice» konkýrsyna qatysatyny ázirge belgisiz. Bul týraly onyń PR-dırektory ári dosy Alpamys Shárimov málimdedi, dep habarlady QazAqparat.
«Amerıkadan shaqyrtý tek bıyl ǵana emes byltyr da túsken. Sonymen qatar, álemdik deńgeıdegi birneshe konkýrstardan da usynys bar. Biraq ózderińiz biletindeı, qazir ýaqytymyz bolmaı jatyr. Qytaıdaǵy konkýrstyń nebári tórt kezeńinen óttik, alda áli on týr bar. Osyǵan daıyndalyp júrgendikten naqty kelisimdi bere almaımyz», – dedi Shárimov.