Álem naryǵy aldaǵy jyldary munaıdyń basqa markasyna kóshýi yqtımal, deıdi "Alparı" sarapshysy Roman Tkachýk.
"Birneshe jyldan beri "munaı" men "Brent" bir uǵym retinde paıdalanylyp keldi. Munaı naryǵyndaǵy kóptegen kelissózder negizinen Brent markasymen jasaldy. Qara altynnyń basqa suryptary, Reseıdiń Urals markasy, AQSh-tyń WTI-y, Saýd Arabııasynyń Arab Light jáne Iraktyń Basra Light suryptarynyń baǵasy Brent baǵasyna qaraı belgilendi. Jalpy, Brent sózi osy markaly munaı shyǵatyn ken oryndarynyń atyna qoıylǵan. Broom, Rannoch, Etive, Ness jáne Tarbert ken oryndarynan shyqqandyqtan, munaıdyń bul surypyn Brent dep ataǵan. Al munaı naryǵynda basqalarǵa qaraǵanda baǵaly bolýy jetkizýdiń turaqtylyǵy men shıkizattyń paıyzdyq úlesiniń az bolýyna baılanysty", - deıdi sarapshy.
Alaıda, sarapshynyń pikirinshe, jaǵdaı áli ózgerýi múmkin. 70 jyldary bul markanyń óndirisi táýligine 900 myń barrel bolsa, qazir bul kórsetkish eki esege azaıdy. Taıaýda Shell kompanııasy Brent ken oryndarynan óndiristi alyp tastaý týraly bastama kóterdi. Bul úrdis aldaǵy on jylǵa deıin sozylýy múmkin, degenmen, Brent baǵasyna bul qazirden keri áser etpek.
«Sol sebepti álem naryǵy ózge munaı markasyna aýyspaq. Al qazirgi jaǵdaıda Amerıkalyq WTI (West Texas Intermediate nemese light sweet) markasynyń bási joǵary. Hımııalyq quramy jaǵynan ol Brentke uqsas jáne ınvestorlarǵa burynnan tanys», — deıdi Roman Tkachýk.