Tanymal gollıvýdtyq akter Kıt Mıddlbrýk bes salmaq boıynsha álemniń burynǵy chempıony kishi Floıd Meıýezer men qazaqstandyq boksshy Gennadıı Golovkın arasyndaǵy kezdesý qashan bolatynyn aıtyp berdi. Bul týraly vesti.kz habarlady.
Buǵan deıin Mıddlbrýk resmı túrde óziniń tvıtter-paraqshasyna osy kezdesýdiń jarnamasyn jasaǵan bolatyn. Onyń málimeti boıynsha, boksshylar bıyl jazda AQSh-ta kezdesedi eken.
«Eki jaq kelisimge keldi. Jýyq arada sizder muny jańalyqtardan estıtin bolasyzdar. Bastysy bul týraly eń birinshi bolyp men aqparat tarattym. Osyny umytpańyzdar. Sizder meniń aıtqanymdy aına qatesiz aıtýlaryńyzǵa bolady. Floıd pen GGG arasyndaǵy jekpe-jek 2017 jyldyń maýsymynda Las-Vegasta ótedi», – deıdi Mıddlbrýk.
Akterdiń aıtýynsha, qos boksshy 149 fýntta sharshy alańǵa shyqpaq. Mundaı jaǵdaıda qazaqstandyq boksshy 10 fýntqa salmaǵyn azaıtýy tıis.
«Menińshe, Floıd Golovkındi ońaı jeńedi. Sebebi, bul salmaqta ózin erkin sezinedi. Ol óz jekpe-jekterine basqa boksshylarǵa qaraǵanda jaqsyraq daıyndalady», – dedi Mıddlbrýk.
Aıtýyna qaraǵanda, ol kishi Floıd Meıýezermen on jyldan beri tyǵyz aralasyp keletin kórinedi. Al kıno áleminde búginge deıin 35 fılmde túrli rólderdi somdaǵan.
Esterińizge sala keteıik, Golovkın 18 naýryzda Nıý-Iork qalasasynda Madison Square Garden arenasynda amerıkalyq boksshy Denıel Djeıkobspen (32-1-0, 29 KO) judyryqtasatyn bolady.