Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev Qytaı Halyq Respýblıkasynyń Qazaqstan Respýblıkasyndaǵy Tótenshe jáne ókiletti elshisi Chjan Hanhýeımen kezdesti.
Dıplomatty qarsy alǵan parlamentshi meımandy Qytaıdyń jańa jylymen quttyqtap, elshige izgi tilekter bildirdi.
Qytaı Halyq Respýblıkasymen aradaǵy jan-jaqty yntymaqtastyq baılanystarǵa aıryqsha nazar aýdaratynyn atap ótti. 2017 jyly eki memleket arasyndaǵy dostyq baılanystarǵa shırek ǵasyr bolatyny aıtyldy. Osy jyldar arasynda barlyq baǵytta, ásirese, ekonomıka men saıası baılanystar órkendep, Qytaı Qazaqstannyń strategııalyq seriktesine aınaldy.
Kezdesýde eki el parlamentteri baılanystarynyń ózara únqatysýynyń mańyzy da aıtyldy.
Elshi Qazaqstanda jasalyp jatqan jańǵyrtýlar men reformalardy qoldaıtynyn bildirdi. Ekonomıkalyq jaǵdaı men tirshiligi turaqty, aspany beıbit, gúldengen Qazaqstan álem aldynda óz orny bar, ony Qytaıdyń baǵalaıtynyna toqtaldy, dep habarlady Parlament Májilisiniń Baspasóz qyzmeti.