Júgi salmaqty baǵdarlama

Qazaqstan Prezıdenti Nursultan Nazarbaevtyń dástúrli Joldaýlarymen tanysqanda men olarda Qazaqstannyń ulttyq jáne qaýipsizdik múddeleriniń eskerilip, durys baǵdarlanǵan damý strategııasyna sonshalyqty sáıkes keletinine nazar aýdaramyn. Sońǵy Jol­daýy da aýqymdy ekonomıkalyq maz­mundy qamtı otyryp, naqtyly uzaq merzimdi perspektıvalarǵa ıek artyp, eldiń halyq­aralyq arenadaǵy básekelestikke qabilet­tiginiń syzbalaryn kezekti, Úshinshi jań­ǵy­rý arqyly tolyq qamtyǵan. Jalpy, Jol­daýda Prezıdent Qazaqstannyń básekege qabi­let­tiligin arttyratyn Úshinshi modelin jasaýdy kózdeıdi. Osyǵan baılanysty Prezıdent Úkimetke naqty mindetter júktep, alǵa qoıylǵan maq­sattardy iske asyratyn tetikterdiń jos­­parlaryn ázirleýdi tapsyrdy. Búgingi Qazaqstan – Táýelsizdigi berik qalyptasyp, Birinshi jáne Ekinshi jań­ǵyr­ýlardy tabyspen iske asyryp, álemdik ekonomıkanyń básekege barynsha qabiletti 50 eliniń qataryna enip, endi joǵary damyǵan 30 memlekettiń qataryna kirýdi kózdep otyrǵan el bolǵandyqtan, mundaı maqsatty alǵa qoıýǵa tolyq qaqysy bar dep sanaımyn. Joldaýdyń ózinde Úshinshi jańǵyrý – aǵymdaǵy jahandyq qaterlerge qarsy turýdyń jos­pary ǵana emes, Strategııa-2050-di «100 naqty qadam» Ult josparynyń negizinde iske asyratyn senimdi kópir dep atalǵan. Aıta ketetin bolsaq, Prezıdent eldiń aldyna bes basymdyqty qoıdy, olar: ekonomıkany tehnologııalyq turǵydan jedel jańǵyrtý; bıznes-ortany túbegeıli jaqsartý jáne keńitý; makroekonomıkalyq tu­raq­tylyq; adamı kapı­taldyń sapasyn arttyrý; ınstıtýttyq qaıta qurý, qaýipsizdik jáne sybaılas jemqorlyqpen kúres. Osy basymdyqtardyń árqaısysy óziniń qury­lysy, mazmuny jáne maqsatty ustanymy jaǵy­nan Qazaqstannyń múddesin ǵana kózdemeı, ol strategııalyq baǵdarlardy tańdaý men oılaný pozısııasynan alǵanda, týysqan О́zbekstanda da qyzyǵýshylyq týdyrady. Eshqandaı kúdiksiz ony eldiń saıasaty men ekonomıkalyq baǵytyn aıqyndaýdaǵy jańa irgeli qujat dep sanaýǵa bolady. Strategııalyq damýdyń jańa kezeńine ótýdi halyqqa arnaǵan Jol­daýynda kórsetý – dana ári bolashaqty tereń boljaı­tyn Nursultan Nazarbaev sııaqty memleket qaıratkerine tán. Qoryta aıtqanda, muny – Qazaq­stannyń jańa jarqyn bolashaqqa jetýin kózdegen aıryqsha tarıhı qujat dep baǵalaýǵa bolady. Shavhat ARIFHANOV, О́zbekstan Respýblıkasy Prezıdentiniń janyndaǵy Memlekettik qurylys akademııasynyń professory, ekonomıka ǵylymdarynyń doktory