Bul – bizdiń erteńgi taǵdyrymyz!

Elbasy Nursultan Ábishuly Nazarbaevtyń bılik tarmaqtarynyń ókilettikterin qaıta bólý týraly Úndeýin tarı­hı mańyzy zor bas­ta­ma retinde qýana qabyl­dadyq. Memlekettik deńgeı­degi kez kelgen sheshim maqsatsyz bolmaı­dy. Bul táýelsiz elimizdiń keleshegin oılaǵannan jasalyp otyrǵan qadam ekeni aıtpasa da túsinikti. Alyp eldiń taǵdyr-talaıyna qatysty asa mańyzdy máselelerdi sheshý jalǵyz Pre­zı­dentke shyn máninde tym aýyr salmaq. Egemen el bolǵan­nan-aq prezıdenttik bas­qarý júıesin tańdap alǵanymyz durys bol­ǵanyn ýaqyttyń ózi dálel­­dedi. Osy ustanymmen álem­­dik deńgeıdegi qanshama jetis­­­tik­­terge jettik. Álem jańa mem­­leket­ti kórip, jańa ekono­mıkamyz be­n jańa qoǵa­my­myzdy moıyndady. Desek te, naǵyz demo­kratııalyq el bolý úshin bılik bir qolǵa shoǵyrlanbaǵany abzal. Bılik tarmaqtary­nyń ókilettigi men quzy­ryn qaıta bólý máselesin Elbasymyzdyń ózi kóterip otyr. Bul ol kisi­niń memleket bolashaǵyn bol­jap, joǵary parasatpen qabyl­daǵan sheshimi: dara bılik­ten alqaly dana bılikti jón kórip otyr. Jarııalylyq sal­ta­nat qur­ǵan elde saıası júıe halyqqa ne­ǵurlym jaqyn, túsinikti bolýy shart. Bul Ún­deý sondaı úrdiske shaqy­rýy­men qundy. Sondyqtan, osy­naý qadamnyń tarıhı mańyz­dylyǵyna daý joq. «Qazaqstan – jas, kóp ult­ty, bolashaǵyna senimdi jáne qarqyndy damyp kele jat­qan memleket! Biz táýelsiz Qazaq­stannyń 25 jyldyq damý jolynan óttik. Aldaǵy 25 jylda budan da bıik belester kútip tur. Mem­le­ket qurý jolynda teńdessiz, mol tájirıbe jınap, jańa kezeńge qadam basyp otyrmyz. Aldymyzda qan­daı qıyndyqtar kezdesse de, olar­dy eńsere alatynymyzǵa se­nim­dimin. Bizdiń basty kúshimiz – bir­likte», – dedi Prezıdent Nursultan Nazarbaev jaqynda ǵana jarııalaǵan Qazaqstan halqyna «Qazaqstannyń Úshinshi jańǵyrýy: jahandyq básekege qabilettilik» atty Joldaýynda. Endigide Úkimet pen Parl­a­mentke júkteletin jaýap­ker­shilik júgi de arta túspek. Bul reformanyń barysynda Ata Zańymyz ben ózge de quqyqtyq normalarǵa, quzyrly organdardyń baǵyt-baǵdaryna ózgerister engizilýi tıis. «Keńesip pishken ton kelte bolmas» demekshi, Prezı­dent Jarlyǵyna sáıkes, kons­tıtýsııalyq reformalar jobasyn táýelsiz elimizdiń halqy ortaǵa salyp, talqylaýy tıis. Sol kezde el erteńin oılaǵan azamattar únsiz qalmaýy kerek. Bul – bizdiń erteńgi taǵdyrymyz! Bekzat ALTYNBEKOV, Qazaqstan halqy Assambleıasynyń múshesi, Jezqazǵan qalalyq qoǵamdyq kelisim keńesiniń tóraǵasy Qaraǵandy oblysy, Jezqazǵan qalasy