Foto Reuters
Jańa Zelandııada júzdegen kıt ózderin jaǵaǵa laqtyrdy. Qutqarýshy eriktiler kelip jetkenshe olardyń basym bóligi ólip qalǵan. Bul týraly eldiń tabıǵatty qorǵaý departamentine silteme jasap VVS habarlaıdy. Departament málimeti boıynsha, jaǵaǵa shyqqan kıtterdiń 70 paıyzy qyryldy. Mekeme qyzmetkerleri, volonterlar jáne jergilikti turǵyndar tirilerdi qutqarýǵa tyrysyp jatyr, alaıda budan jaqsy nátıje shyǵady degen úmit az ekeni aıtylady. О́ıtkeni, tiri qalǵandar ólim aldynda jatyr. Jaǵadaǵy qaırańda jatqan óli kıtter de qutqarý jumystaryna kedergi jasaýda. Departament ókili tiri kıtterdiń birazy sýǵa qaıta jiberilgenin aıtady. Qutqarýshylar olardyń qaıtadan shyqpaýy úshin jaǵada tizbek quryp tur. Kıttuqymdastardyń ózderin jaǵaǵa laqtyrýy jıi kezdesetin qubylys. Onyń sebebi nede degen suraqqa baılanysty pikirtalas kópten júrip kele jatyr, ol týraly bizdiń zamanymyzdan buryn ómir súrgen grek fılosofy Arıstotel de aıtqan. Biraq bul qubylystyń naqty jaýabyn áli eshkim bilmeıdi.Foto AR