Bloomberg agenttigi pikir suraǵan sarapshylar álemdik naryqtaǵy 2017 jyldyń bes iri qaýpin atady. Atap aıtqanda, olardyń arasynda dollardyń yqpaly jáne AQSh prezıdenti Donald Tramptyń saıasatynan túńilý de bar, dep jazdy tvrain.ru.
Sarapshylar men ınvestorlardyń aıtýynsha, AQSh dollarynyń shekten tys nyǵaıýy álemdik ekonomıkaǵa nuqsan keltiredi. Bul eksporttaýshy elderdi shyǵynǵa batyrady jáne olardyń álemdik ekonomıkadaǵy uzaq daǵdarystan qalpyna kelýine múmkindik bermeıdi. Odan bólek, dollar qymbattaǵandyqtan, ınvestorlar jergilikti valıýtadan qashyp, qarjysyn dollarda saqtaıdy. Bul damýshy elderge keri áserin tıgizedi. Sondaı-aq, AQSh ulttyq valıýtasynyń shamadan tys kóterilýi taý-ken qazý kompanııalaryna da yqpalyn tıgizedi.
Sonymen birge, AQSh prezıdenti Donald Tramptyń saıasatynan túńilý de álemdik naryqqa áser etedi. Sarapshylardyń pikirinshe, naryqtar Tramptan kóp nárse kútedi jáne olardyń «úmitteri aqtalmaı qalýy» múmkin. Bul da álemdik naryqqa keri yqpalyn tıgizedi. Bloomberg AQSh prezıdenti saılaýynda Tramp jeńiske jetken bir táýlikte kóptegen bırjalyq ındeksterdiń óskenin atap ótti.
Bloomberg sarapshylary taǵy bir qaýip retinde Qytaıdy atap otyr. Olardyń aıtýynsha, jaqyn arada bul eldiń ekonomıkasy baıaýlaıdy, bul taý-ken qazý isine jáne óndiris taýarlaryna nuqsanyn tıgizedi.