Ortalyq kommýnıkasııalar qyzmetinde Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary Rústem Ahmetov «SK-Farmasııa» JShS-tiń monopolııaǵa qarsy zańnamany buzǵanyna qatysty túsinik berdi.
–Jaqynda elimizdiń monopolııaǵa qarsy organy «SK-Farmasııa» JShS-nyń monopolııalyq jaǵdaıdy teris paıdalanǵanyn ańyqtady. Bul kompanııa tegin medısınalyq kómektiń kepildik berilgen kólemi sheńberinde dárilik zattardy satyp alý jáne halyqty dárimen qamtamasyz etý boıynsha biryńǵaı dıstrıbıýtory bolyp sanalady. 2010-2015 jyldar aralyǵy kezeńinde «SK-Farmasııa» JShS dárilik zattardy saqtaý jáne tasymaldaý jónindegi kórsetiletin qyzmetterdiń satyp alynýyn biryńǵaı lotpen zańsyz satyp alǵany ańyqtaldy. Osyǵan baılanysty sot kompanııaǵa 1,3 mlrd. teńge ákimshilik aıyppul saldy, – dedi ol.