2016 jyly «Qarashyǵanaq Petrolıým Opereıtıng B.V.» 139,7 mıllıon barrel munaı balamasynda turaqty jáne turaqty emes suıyq kómirsýtegi, tazartylmaǵan gaz jáne otyn gazyn óndirdi. Bul týraly KPO baspasóz qyzmeti habarlady. Plasttyq qysymdy qoldaý úshin gazdy keri aıdaý kólemi 8,04 mıllıard tekshe metrdi qurady, bul shamamen óndirilgen gazdyń jalpy kóleminiń 46%-yna sáıkes keledi.
KPO bas dırektory Renato Marolı atap ótkendeı, QR-da iri ınvestısııalyq jobalardyń biri bolyp tabylatyn Qarashyǵanaq jobasynyń Batys Qazaqstan jáne tutastaı barsha el ekonomıkasy úshin birinshi dárejeli máni bar. Búginde Qarashyǵanaqty ıgerýge KPO boıynsha áriptester 22 mıllıard AQSh dollaryn ınvestısııalady. Qarashyǵanaq Qazaqstandaǵy ken oryndaryn paıdalaný turǵysynan iri jáne kúrdelilerdiń biri bolyp tabylady. Qazirgi ýaqytta Qarashyǵanaq ken ornynda 119 óndiretin, 17 aıdaý uńǵymalary paıdalanýda, jalpy qorda 412 uńǵyma bar.
2016 jylǵy 13 mamyrda KPO kompanııa tarıhynda mańyzdy meje qoıatyn aýqymdy josparly-aldyn alý jóndeý jumystaryn aıaqtady. Jóndeý kompanııaǵa óndiristiń jyldyq deńgeıin edáýir arttyrýǵa múmkindik berdi. Daıyndyq jáne negizgi jumystarǵa barlyǵy 3300-ge jýyq jumysshy jumyldyryldy. 2016 jyly KPO-da gazdy qoldaný deńgeıi 99,84%-dy qurady, bul álemdik synyp kórsetkishi bolyp tabylady.