Kókshetaý qalasynda jańa fýtbol stadıony salynatyn boldy. Bul týraly «Oqjetpes» klýbynyń dırektory Nıkolaı Panın málimdedi, dep habarlady vesti.kz.
«Stadıonnyń jobasy bar. Osy jyldan bastap Kókshetaý qalasynyń Iýbıleınyı aýdanynda stadıonnyń qurylysy bastalady. Qazir stadıondy soǵýǵa qansha aqsha ketetinin dál aıta almaımyn. Stadıon segiz myń jankúıerge arnalyp, Kopa ózeniniń jaǵasynda ornalasady. Ol jerdiń topyraǵy qatty. Sondyqtan jasandy kógal tóseledi», – dedi Panın.
Qazirgi ýaqytta «Oqjetpestiń» bıylǵy maýsymdy qaıda bastaıtyny belgisiz bolyp tur. Eger naýryzda «Astana-Arena» stadıonynyń kógalyn ózgertetin bolsa, kókshetaýlyq komanda Premer-lıgadaǵy oıyndaryn Shýchınsk qalasyndaǵy «Jaqsy» bazasynda ótkizýi múmkin.