OPEK elderiniń munaı óndirisi qańtar aıynda táýligine 1 mln barrelge qysqaryp, jalpy óndiris kólemi qazir 32,06 mln barrelge teńesti, dep jazady Halyqaralyq energetıkalyq agenttik.
Esterińizge sala keteıik, ótken jyldyń 30 qarashasynda OPEK elderi munaı baǵasyn kóterý úshin naryqta jasandy tapshylyq jasaý maqsatynda óndiris kólemin táýligine 1,2 mln barrelge deıin azaıtý týraly sheshim qabyldaǵan edi. Arada 10 kún ótkende OPEK-ke kirmeıtin ózge de munaı eksporttaýshy elder osy bastamany qoldap, táýligine 558 myń barrel azaıtýǵa kelisken. Qazaqstan osy oraıda táýligine 20 myń barrel azaıtý týraly mindetteme alǵan. Kelisim boıynsha, atalǵan kórsetkish jyl ortasyna deıin oryndalýy tıis. Degenmen, Qazaqstan qazirdiń ózinde táýligine 30 myń barrel azaıtyp, OPEK+ mindettemesin artyǵymen oryndap jatqanyn QR Energetıka mınıstrligi qańtarda málimdegen edi.
Osylaısha, qazirgi tańda OPEK elderi atalǵan kólemniń 90 paıyzyn qysqartyp úlgerdi.
«Saýd Arabııasy bastaǵan keı elder jospardy artyǵymen oryndaýda. Oǵan sebep Lıvııa men Nıgerııadaǵy óndiristiń azaımaýy", - dep jazady agenttik.