Fransııa astanasy Parıj qalasynda lańkestik shabýyl uıymdastyrmaq bolǵan tórt adam ustaldy. Onyń ishinde 16 jastaǵy jasóspirim qyz da bar. Bul týraly QazAqparat habarlady.
21, 27 jáne 34 jastaǵy úsh er adam jáne 16 jastaǵy qyz qolǵa tústi. Boıjetkenniń Taıaý Shyǵystaǵy qarýly qaqtyǵystar aımaǵyna ketkisi kelip júrgeni polısııaǵa belgili bolǵan.
Aldyn ala málimetter boıynsha, olar «Parıjdiń týrıstik aımaǵynda» jankeshti belbeýin qoldaný arqyly lańkestik aktini daıyndaǵan. Kúdiktiler jarylǵysh zat ázirleıtin shaǵyn zerthana jasaǵan.
Tintý barysynda 71 gramdyq aseton peroksıdi (TATP) – úı jaǵdaıynda ońaı daıyndalatyn jarylǵysh zat pen onyń quramdaýyshtary tabyldy. Dál osy zatty jankeshti-lańkester 2015 jyldyń qarasha aıynda Parıjde bolǵan terakti kezinde qoldanǵan bolatyn.