Jeńil salmaqtaǵy WBA (Super) jáne IBO tujyrymdary boıynsha álemniń jańa chempıony Janat Jaqııanov amerıkalyq boksshy Roýshı Ýorrenge qarsy jekpe-jegi jaıly pikir bildirdi. Bul týraly vesti.kz habarlady.
«Kezdesýdiń sońyna taman jeńiske laıyq ekenimdi bildim. Degenmen, AQSh-ta ótip jatqandyqtan, tóreshilerdiń búıregi Ýorrenge buryp kete me degen de oı boldy. Osydan bolar tóreshi qolymdy kótergende azdap tań qaldym. Jekpe-jek men úshin ońaı bolmaǵanyn kórdińizder. Nebári birinshi raýndta-aq joıqyn soqqylarynan eseńgirep qaldym. Biraq esimdi tez jıyp, qalǵan raýndtarda myqtyraq boldym», - dedi Jaqııanov.
«Nokdaýn alǵannan keıin ishteı qobaljyǵan sátterim de boldy. Biraq Rıkkı Hattonnyń (Jaqııanovtyń bapkeri) tájirıbeliligi úlken ról atqardy. Sabyr saqtap, jibergen qatelikterimdi aıtty. Jaqynyraq baryp, shabýyldarymdy údetkenimde Ýorrennniń sharshaǵanyn baıqadym», - dedi jańa chempıon.
Aıta keteıik, Janat AQSh-ta alǵashqy aıqasyn ótkizdi. 12 raýndtyń qorytyndysy boıynsha qazaqstandyq boksshy tóreshilerdiń sheshimimen jeńiske jetken bolatyn.