Búgin Qyzylordada «Nur Otan» partııasy oblystyq fılıaly saıası keńesiniń keńeıtilgen otyrysy ótti. Onda ótken jyldyń qorytyndysy shyǵarylyp, 2017 jyldyń josparlary belgilendi.
Jıyndy asha otyryp Qyzylorda oblysynyń ákimi, «Nur Otan» partııasy oblystyq fılıalynyń tóraǵasy Qyrymbek Kósherbaev búginde 13 aqpan kúni ótetin Qyzylorda qalasy ákiminiń halyq aldyndaǵy esepti kezdesýinen basqa barlyq aýyldyq okrýg, eldi meken, aýdan ákimderiniń esebi ótkenin aıtty. Oblystyq gazetterde 2016 jylǵy aımaqtyń áleýmettik-ekonomıkalyq damý qorytyndylary jarııalandy. 1 aqpannan bastap oblys ákiminiń orynbasarlary eń ózekti máseleler boıynsha qoǵamdyq tyńdaýlar ótkizse, 31 qańtardan bastap basqarmalar men departamentterdiń basshylary qoǵamdyq qabyldaýlar ótkizýde.
"31 qańtarda Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýy jarııalandy. Bizdiń maqsatymyz - oblystyń barlyq turǵynyn qamtıtyn keń aýqymdy túsindirý jumystaryn júrgizý", - dedi Q.Kósherbaev.
Partııanyń oblystyq fılıalynyń saıası keńes músheleri oblys ákiminiń aǵymdaǵy jylǵy daǵdarysqa qarsy is-qımyl josparyna usynystaryn engizdi.