Belarýs astanasy Mınsk qalasynda ótip jatqan short-trekten álem kýbogynda Qazaqstan ulttyq quramasynyń múshesi Nurbergen Jumaǵazıev 1 myń metr qashyqtyqta qola júldege qol jetkizdi.
Bul synda ońtústikkoreıalyq Hvan De Hon top jarsa, gollandııalyq Senkı Knegt kúmis júldeni utyp aldy.
Erteń 5 myń metr qashyqtyqta jerlesterimiz fınalda Reseı, Qytaı, Gollandııa quramalarymen estafetalyq synda jarys jolyna shyǵady.
Aıta keteıik, Nurbergen Jumaǵazıev byltyr Ońtústik Koreıada 1 myń metr qashyqtyqta álem kýbogy kezeńiniń jeńimpazy atansa, jaqynda ǵana Almatyda ótken Ýnıversıada oıyndarynda estafetalyq synda jáne 1500 metr qashyqtyqta qola júldeger atanǵan.