Túrkimenstanda 07:00-de (Astana ýaqyty boıynsha 08:00) prezıdenttik saılaý ótkizý úshin saılaý ýchaskeleri jumysyn bastady. Bul týraly RIA «Novostı» aqparat agenttigi habarlady.
Daýys berý keshki 19:00-ge deıin 2587 saılaý ýchaskesinde jalǵasady. Al onyń 39-y Túrkimenstannyń ózge elderdegi dıpmıssııasynda ashylǵan. Daýys berýge 3223455 adam qatysady.
Saılaýǵa barlyǵy toǵyz kandıdat tústi. Daýys berýge qatysqan saılaýshylardyń jartysynan kóbiniń qoldaýyna ıe bolǵan kandıdat Túrkimenstannyń jańa saılanǵan prezıdenti bolyp sanalady.
2016 jyldyń 14 qyrkúıeginde qabyldanǵan jańa Konstıtýsııaǵa sáıkes, prezıdent ókilettigi bes jyldan jeti jylǵa uzartyldy. Sonymen qatar,prezıdenttiń jasy 70-ten joǵary bolmaýy kerek degen shekteý alynyp tastaldy.