15-16 aqpanda elordada Astana prosesi aıasynda Sırııadaǵy jaǵdaıdy retteýge qatysty joǵary deńgeıde kezekti otyrys ótedi. Bul týraly baq.kz habarlady.
QR SIM aqparatynsha, otyrysta Sırııa aýmaǵynda áskerı is-qımyldy toqtatý rejimin saqtaý máseleleri, naqty eldi mekenderdegi ahýaldy turaqtandyrý boıynsha sharalar, birlesken jedel top týraly ereje qabyldaý, bitimgerlik rejimin kúsheıtýge qatysty sharalardy kelisý, sondaı-aq Jenevada ótetin aldaǵy sırııaaralyq kelissózder máseleleri talqylanady.
Astanada ótetin kezdesýge Iordan Hashımıt Koroldiginiń, Sırııa Arab Respýblıkasy úkimetiniń delegasııasy, Sırııa qarýly oppozısııasynyń ókilderi, BUU bas hatshysynyń arnaıy ókili S.de Mıstýra shaqyrylǵan.