Túrkimenstandaǵy prezıdent saılaýyna jergilikti ýaqyt boıynsha saǵat 11:00-ge deıin qatysýshylardyń 51%-y daýys berdi. Bul týraly RIA «Novostı» aqparat agenttigi habarlady.
Túrkimenstan ortalyq saılaý komıssııasynyń málimeti boıynsha, ýchaskeler ashylǵannan keıin tórt saǵat ishinde daýys berýge 1 mıllıon 661 myń 342 adam qatysty.
Eń joǵary kórsetkish Ahal ýálaıatynda tirkelgen. Munda 11:00-ge deıin 58,77% daýys berýshi qatysty. Balqan ýálaıatynda – 51,52%, Dashoǵuz ýálaıatynda – 52,84%, Lebap ýálaıatynda – 51,90%, Mary ýálaıatynda – 49,40%, Ashhabad qalasynda – 45,02%.
Daýys berý jergilikti ýaqyt boıynsha 07:00-de bastalyp, 19:00-ge deıin jalǵasady. Túrkimenstanda 2587 saılaý ýchaskesi jumys isteıdi, onyń 39-y ózge elderdegi dıpmıssııasynda ashylǵan. Saılaýshylar tizimine 3 mıllıon 223 myń 455 adam engizilgen.