Tennısten Federasııa kýbogy Azııa/Tynyq muhıt elderi zonasynyń I tobynda Qazaqstan quramasy Japonııany jarys jolynan shyǵaryp, pleı-off kezeńine joldama aldy, dep habarlaıdy QazAqparat.
Iýlııa Pýtınseva, Iаroslava Shvedova, Galına Voskoboeva jáne Kamıla Kerimbaeva Astanada ótken irikteý kezeńinde jeńiske jetti. Toptyq kezeńde otandastarymyz Ońtústik Koreıa men Taıland quramalarynan aılasyn asyrdy. Al sheshýshi oıynda Qazaqstan quramasy Japonııamen kezdesip, tartysty aıqasta 2:1 esebimen jeńiske jetti.
Osylaısha, tennısshi qyzdarymyz Federasııa kýbogynyń pleı-off kezeńine joldama aldy. Jerlesterimiz endi 2-shi Álemdik toptyń nátıjesin kútip, jerebeden keıin óz qarsylasyn anyqtaıdy.