Vengrııanyń Debresen qalasyndaǵy «Ishtvan Voskaı» atyndaǵy halyqaralyq týrnır óz máresine jetti. Qazaq boksshylary 1 altyn 1 kúmis 2 qola medal jeńip aldy, dep habarlady vesti.kz.
Dodaǵa álemniń 20 elinen 160-qa jýyq boksshy qatysty.
75 kelige deıingi salmaqta Erik Áljanov jarys jeńimpazy atandy. 81 kelige deıingi salmaqta Shaımurat Qusaınov kúmis júldeni jeńip aldy. Al Azat Mahmetov (-52 keli) pen Ilıa Ochkın (-69 keli) qola medaldi qanaǵat tutty. Bul boksshylardyń barlyǵy da byltyr Pavlodarda ótken el chempıonatynda jeńiske jetip, ulttyq qurama sapyna iriktelinip alynǵan.
Bıyl qazaqstandyq boksshylardy eki úlken báseke kútip tur. Onyń biri – álem chempıonaty bolsa, ekinshisi – Azııa birinshiligi. Azııa chempıonaty 30 sáýir men 7 mamyr aralyǵynda Djakartada (Indonezııa) ótse, álem chempıonaty 25 tamyz men 3 qyrkúıek aralyǵynda Gambýrgte (Germanııa) ótedi.