Grekııanyń Salonıkı qalasynda Ekinshi dúnıejúzilik soǵystan qalǵan ushaq bombasy tabylyp, 72 myń adam qaýipsiz jerge kóshirildi. Bul týraly 24.kz habarlady.
Ony jumysshylar janar-jaǵarmaı beketiniń mańynda qazý jumystaryn júrgizip jatqanda tapqan. Áskerıler qaýipti qarýdy zalalsyzdandyrmas buryn aýmaǵy 2 shaqyrymdaı jerdegi turǵyndar evakýasııalandy.
Aqparat quraldarynyń habarlaýynsha, sońǵy jyldary osy shahardan ondaǵan bomba tabylǵan. Sebebi 1943 jyly aǵylshyn ushaqtary qalada bekingen nemis jasaqtary men temir joldy aýyr soqqynyń astyna alǵan. Sondyqtan bılik mundaı jarylǵysh zattar áli de tabylýy múmkin dep otyr.