Qazaqstan Prezıdentiniń tóraǵalyǵymen ekonomıkanyń jedeldetilgen tehnologııalyq jańǵyrtylýynyń máseleleri jónindegi keńes ótti, dep habarlady Prezıdenttiń baspasóz qyzmeti.
Keńeske Premer-Mınıstr, Ulttyq bank tóraǵasy, Úkimet músheleri, Astana qalasynyń ákimi, ulttyq holdıngter men kompanııalar, sondaı-aq, elimizdiń jetekshi kásiporyndarynyń basshylary qatysty.
Jıyn barysynda Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýynyń birinshi basymdyǵy retinde atalǵan ekonomıkanyń jedeldetilgen jańǵyrtylýy jónindegi sharalar talqylandy.
Sondaı-aq, sıfrlyq tehnologııalardy qoldana otyryp, jańa ındýstrııany damytý jáne bazalyq salalardy tehnıkalyq qaıta jaraqtandyrýdyń keshendi sharalaryn ázirleý máseleleri qarastyryldy.
Qazaqstan Prezıdenti keńes qorytyndysy boıynsha birqatar naqty tapsyrma berdi.