Jahan nazaryn ózine aýdarǵan kórme

Bıyl Astanada ótetin EKSPO-2017 halyq­ara­lyq kórme­si­ne BUU Bas hatshy­lyǵy atynan Bas komıssar retinde taǵaıyndalý – men úshin úlken aby­roı. Bolashaqtyń ener­gııasy salasy­na qol­daý kórsetý úshin Qazaqstannyń EKSPO taqyrybyn osylaı ataǵa­nyn joǵary baǵalaımyz. Sonymen qa­tar, Qazaqstannyń klımat jónindegi Parıj ke­li­si­mine qol qoıǵan memleketterdiń biri ekenin esker­sek, qorshaǵan ortany qorǵaý salasyna da el­diń qanshalyqty qoldaý kórsetip otyrǵanyn kóremiz. Búginniń ózinde Qazaqstan qorshaǵan ortaǵa kó­mir­qyshqyl gazyn shyǵarýdy azaıtýda ózindik jos­paryn bekitip aldy. Jalpy, bul kórme Qazaqstan úshin turaqty damýǵa arnal­ǵan energııa taqyrybyna ser­pin beretin keremet múmkin­dik bolatyny sózsiz ári ol Ornyqty damý maqsattaryna qol jetkizýde sonshalyqty mańyzdy bolyp tabylady. EKSPO-nyń kópshilik úshin jetistikke aına­la­tynyna jáne óńir­­lik qana emes, álem­dik deńgeıde de jurt­shy­lyq nazaryn aýdar­tatynyna senimdimin. Al EKSPO kór­mesi bitkennen keıin de jasyl energe­tıka Qazaqstan ekonomı­kasynyń jetekshi sala­larynyń birine aınalyp, «jasyl teh­no­lo­gııa­ǵa» almasý orta­lyǵyna aınalady dep úmittenemiz. Sondaı-aq, bul kórme ózge elder úshin de osy salada ózindik ınnovasııalaryn tanystyryp, tájirıbe almasatyn alań bolyp qalatyny sózsiz. Birikken Ulttar Uıymy bul bastamany qoldaıdy jáne bolashaqtyń energııasy salasyndaǵy baǵdarlamalarda áriptestik ornatýǵa múddeli. BUU Damý baǵdarlamasy Qazaqstanmen tyǵyz árip­testik ornatqan jáne eldiń demokratııalyq úderisterdi damytý baǵytyndaǵy qadam­daryna qoldaý kórsetedi. Jıhan SULTANOǴLÝ, Birikken Ulttar Uıymy Bas hatshysynyń kómekshisi, BUU Damý baǵdarlamasy Eýropa men TMD elderi boıynsha О́ńirlik bıýrosynyń dırektory, «BUU EKSPO-2017» halyqaralyq mamandandyrylǵan kórmesiniń Bas komıssary, arnaıy «Egemen Qazaqstan» úshin