«Nur Otan» partııasy Tóraǵasynyń birinshi orynbasary Soltústik Qazaqstan oblysynda boldy. Muhtar Qul-Muhammed oblys ákimi Erik Sultanovpen birge óńirdegi eńbek ujymdarymen birqatar kezdesý ótkizdi, sondaı-aq, partııa aktıviniń aldynda turǵan jumystardyń basym baǵyttaryn belgilep berdi.
Elbasynyń Qazaqstan halqyna Joldaýynyń mańyzyn túsindirý – «Nur Otan» partııasy Tóraǵasy birinshi orynbasarynyń óńirlerge saparynyń negizgi maqsaty. Muhtar Qul-Muhammedtiń Soltústik Qazaqstan oblysyna josparlaǵan jumys kestesinde bul másele basty nazarda boldy.
Soltústik Qazaqstandy barlyq ýaqytta da eń aldymen astyq jáne mal sharýashylyǵymen baılanystyrǵanymen, bul jerde ekonomıkanyń basqa sektorlary da oıdaǵydaı damýda. Mysaly, 2015 jyly oblysta polıetılen qubyrlarynyń óndirisi jolǵa qoıyldy. Quny 57 mıllıon teńgeni quraǵan joba memlekettik ındýstrııalyq-ınnovasııalyq damý baǵdarlamasynyń sheńberinde júzege asyryldy. Jańa zaýyttyń dırektory Dmıtrıı Sharapaev – respýblıkamyzdyń basqa bıznesmenderi úshin jaqsy ónege bola alady.
oqsanynshy jyldary óz isin jańadan bastaǵan kóptegen kásipkerlerdeı, ol da halyq tutynatyn sheteldik taýarlardy jetkizýmen jáne ótkizýmen shuǵyldandy. Ýaqyt óte kele, naryqtyń qyry men syryn meńgergen kásipker ónimdi basqa elden ákelgennen góri, ony osy jerde shyǵarýdyń tıimdi ekenin túsindi. Osydan keıin D.Sharapaev plastıkten jasalǵan úıdiń kerek-jaraqtaryn óndiretin óziniń birinshi sehyn salýǵa sheshim qabyldaıdy. Jyl ótken saıyn kásiporynnyń aınalymy ósip, shyǵaratyn ónimi de kóbeıe tústi.
Búgingi tańda ol halyq tutynatyn ónimderdiń 230 atalymyn naryqqa shyǵaryp otyr. Shıkizat retinde paıdalanylǵan qaldyqtar – paketterdi, plastmassadan jasalǵan ónimderdi paıdalanatyny zaýyttyń ereksheligi bolyp tabylady. Osyndaı paıdaly «qoqysty» qabyldaıtyn oryndar Qazaqstannyń barlyq jerlerinde ashylǵan.
Atalǵan kásiporyn bastapqyda tirkelgen óndiris qýattylyǵyna jete almaǵan, memlekettik ındýstrııalyq-ınnovasııalyq damý baǵdarlamasynyń áıgili 72 jobasynyń qatarynda boldy. Búgingi tańda bul másele sheshildi. Atap aıtsaq, 2016 jyly zaýyt 2,5 mıllıard teńgeniń ónimin shyǵaryp, onyń búkil Qazaqstan men Reseımen shekaralas aýdandaryna deıingi jetkizilimin qamtamasyz etti.
«Nur Otan» partııasy Tóraǵasynyń birinshi orynbasary soltústik-qazaqstandyq bıznesmenniń bastamasyn qoldap, Memleket basshysynyń úshinshi jańǵyrýǵa arnalǵan halyqqa Joldaýynda isker adamdarymyzdyń kásipkerlik tapqyrlyǵyna úmit artyp otyrǵanyn atap ótti.
Oblystyń agroónerkásiptik kásiporyndary ýaqyttyń jańa talaptaryna saı bolýǵa umtylady. Aýyl sharýashylyǵyndaǵy shıkizattan kóp paıda taba almaıtynyn mundaǵylar baıaǵyda-aq túsingen bolatyn. Sondyqtan, aımaqta jyl saıyn túrli azyq-túlik ónimderin shyǵaratyn jańa zaýyttar men fabrıkalar paıda bolýda. Bul iste «Bogatyrskıı prodýkt» kompanııasy tabysqa jetýde, ol un, makaron ónimderin, tushpara, qurǵaq tańerteńgi as, kondıterlik ónimder óndirýdi jolǵa qoıdy. Muhtar Qul-Muhammed óndiristi aralap shyǵyp, jergilikti bıznesmenderdi óz zaýyttarynda aldyńǵy qatarly ázirlemelerdi engize otyryp, Prezıdent jarııalaǵan tehnologııalyq jańǵyrýdy qoldaýǵa shaqyrdy.
«Memleket basshysy óziniń Joldaýynda agrarlyq sektordyń ekonomıkanyń jańa draıveri bolýy tıis ekenin erekshe atap ótti. Elimizdiń eń iri sarqylmas qory bolyp tabylatyn Soltústik Qazaqstannyń agroóndiristik kásiporyndaryn jańǵyrtyp, ǵalamdyq básekeli naryqqa shyǵa alatyn tamasha múmkindigi bar», – dep atap ótti «Nur Otan» partııasy Tóraǵasynyń birinshi orynbasary.
«Nur Otannyń» oblystyq fılıalynda ótken kezdesýde Muhtar Qul-Muhammed jergilikti partııalyqtarǵa búgingi tańda Elbasynyń Joldaýy búkil Soltústik Qazaqstan oblysy halqynyń, ásirese fermerlerdiń qyzý talqylap jatqanyn aıtyp berdi. Sharýalar Prezıdenttiń aýyl sharýashylyǵyn sapaly damytý máselesine aıryqsha nazar aýdarǵanyna dán rıza. Olar Nursultan Nazarbaevtyń tikeleı qoldaýynyń arqasynda agroónerkásip kesheniniń respýblıkamyzdaǵy ekonomıkalyq ósimniń jańa qozǵaýshy kúshi bola alatynyna senedi.
О́mir ESQALI,
«Egemen Qazaqstan»
Soltústik Qazaqstan oblysy