Májilis depýtattary Amanjan Jamalov, Saparhan Omarov, Gleb Shegelskıı, Artýr Platonov, Danııa Espaeva Memleket basshysynyń Qazaqstan halqyna arnaǵan Joldaýyn túsindirý maqsatynda «Qazhrom «TUK» AQ fılıaly – Aqtóbe ferroqorytpa zaýytynyń eńbek ujymymen kezdesti.
– Bul qujat ár azamattyń áleýmettik jaǵdaıyn jaqsartý oılastyrylyp, dáıekti jazylǵan. Ony ádettegideı kúsh-jigerimizdi biriktire otyryp, qysqa merzimniń ishinde júzege asyrar bolsaq, Joldaýda kózdelgen maqsattarǵa erterek qol jetkizerimiz anyq, – dedi Elbasy Joldaýyn túsindirgen Artýr Platonov.
Májilis depýtattary zaýyttyń tynys-tirshiligimen tanysyp, álemde teńdesi joq jańa №4 sehtaǵy metall balqytý úrdisine kýá boldy. Bul sehty 2014 jyly Elbasy N.Á.Nazarbaev iske qosqan. Qazirgi tańda jańa zaýyt óziniń alǵashqy ónimderin bere bastaǵan.
Aqtóbe ferroqorytpa zaýytynyń dırektory Murat Muqashevtyń aıtýynsha, munda ár túrli mamandyqty ıgergen 4 myńnan astam adam tabysty eńbek etedi. Onyń 3 myńnan astamy – «Nur Otan» partııasynyń músheleri.
– Elbasynyń bıylǵy Joldaýynda «Nurly jer» turǵyn úı baǵdarlamasy nazarymdy erekshe aýdardy. Osy baǵdarlamada 15 jylda 1,5 mıllıon otbasyn baspanamen qamtý kózdelgen. Iаǵnı, úısiz júrgen jastarymyzdyń baspanaly bolýyna múmkindik týyp otyr, – dedi Aqtóbe ferroqorytpa zaýytyndaǵy №1 balqytý sehynyń balqytýshysy Ǵanybek Esenjolov.
Al zaýyttaǵy №2 balqytý sehynyń aǵa sheberi Abaı Rahmetov bıznes ortany túbegeıli jaqsartý men ony keńeıtý týraly bastamalardy erekshe yqylaspen qabyldaǵanyn jetkizdi.
Temir QUSAIYN,
«Egemen Qazaqstan»
Aqtóbe oblysy