Parlament Májilisiniń Agrarlyq máseleler komıtetiniń músheleri Roman Kım, Aıqyn Qońyrov jáne Berik Ospanov Shyǵys Qazaqstan oblysyna jumys saparlary barysynda Prezıdent N.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýyn túsindirý maqsatynda kóptegen kezdesý ótkizdi.
Depýtattar «Semeı sement zaýyty» JShS, «SemAZ» JShS, «Melıssa» JShS, «Keńes ı K» JShS, Batys Altaı memlekettik tabıǵı qoryǵy, «Iаdrolyq tehnologııalar parki» AQ, «QR UIаO» RMK, «Zarıa» ShQ, «Sýgatovskoe» ODA, «OHMK» JShS, «Bobrovka» JShS, «Kazsınkmash» kásiporyndarynyń ujymymen jáne QazMZÝ men Rıdder agrarlyq-tehnıkalyq kolledjiniń oqytýshy-professorlar quramymen jáne stýdentterimen kezdesti.
Baǵdarlama aıasynda depýtattar О́skemen qalasyndaǵy QHA músheleri men etnomádenı birlestikterdiń ókilderimen, Kýrchatov jáne Shemonaıha qalalaryndaǵy úkimettik emes uıymdardyń jáne etnomádenı birlestikterdiń ókilderimen, kásiporyn jumysshylarymen, Glýbokoe, Solnechnoe, Bobrovka aýyldary men Jarma jáne Shemonaıha aýdandarynyń turǵyndarymen kezdesti.
Sonymen qatar, «Melıssa», «Keńes ı K» JShS men Batys Altaı memlekettik tabıǵı qoryǵynyń qyzmetkerlerimen kezdesý barysynda halyq qalaýlylary ósimdik jáne janýarlar álemi máseleleri boıynsha Májiliste qarastyrylyp jatqan zań jobasynyń keıbir erejelerin talqylap, usynystardy nazarǵa aldy.
Azamat QASYM,
«Egemen Qazaqstan»
Shyǵys Qazaqstan oblysy